Arratisja e Gruevskit, Zaev: Dua të di si ka dalë nga Serbia

Loading...

Kryeministri Zoran Zaev ka kërkuar sqarim tek të gjitha vendet që kanë ndihmuar ish-paraardhësin e tij Nikolla Gruevski për t’u arratisur.

Në një intervistë për DW, Zaev nuk nguroi të shprehte nota proteste ndaj Serbisë për mënyrën sesi Gruevski kaloi kufirin drejt Hungarisë pa pasaportë.

“Unë kërkova sqarim. E di se përgjegjësia para së gjithash është e jona. Unë nuk flas për kufijtë, që ka mundur që t’i kalojë me letërnjoftim, unë nuk flas se si ka hyrë nga Shqipëria në Mal të Zi dhe Serbi. Unë pyes se si ka dalë nga Serbia. Unë dua të di se si qytetari ynë e ka kaluar kufirin midis Serbisë dhe Hungarisë pa pasaportë. Unë dua ta di, a ka gjasa që secili prej nesh pa pasaportë dhe vetëm me letërnjoftim të hyjë në Hungari, vend anëtar i BE-së”.

Zaev paralajmëroi gjithashtu se nëse gjatë arratisjes së Gruevskit ka persona të përfshirë, qeveria maqedonase do t’i ndëshkojë pavarësisht funksionit që mund të kenë.

Loading...
Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.