B40S-800, “bisha” më e re e Brabusit dhe Fostlës

Kompania e njohur gjermane, Fostla, e cila merret me modifikimin e veturave, është partneri zyrtar kompanisë së famshme Brabus dhe rezultati nga bashkëpunimi i tyre i fundit është Brabus B40S-800 me eksterier me ngjyrë të gjelbër.

Këto dy kompani, për kreacionin e tyre më të ri si bazë ka shërbyer Mercedes-AMG E63 S 4Matic+ nga seria W213, transmeton Koha.net. Po ashtu, nga Hanoveri, ku gjendet Fosla, thonë se për blerësi kanë përgatitur edhe disa ngjyra tjera për eksterier.

Brabus B40S-800 ka motor 4.0-litër V8 Bi-Turbo me kapacitet prej 800 kuajfuqi, 188 kuajfuqi më shumë sesa modeli standard [AMG E63 S], dhe është i kombinuar me marshin automatik prej 9 shpejtësive dhe me sistemin e tërheqjes me të gjitha rrotat. Po ashtu, kjo “bishë” shpejtësinë nga 0 deri në 100 kilometra në orë e arrin për 3 sekonda dhe atë maksimale deri në 300 km/h.

Gjithashtu, Fostla Brabus B40S-800 vjen me rrotat e reja prej 21-inç e goma “Continental SportContact 6” me dimensione 265/30 (të përparme) dhe 305/25 (të pasme).

 

 

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.