Në këndin e lojërave, fëmijët kafshojnë vogëlushen (Foto)

Një vogëlushe është frikësuar për vdekje dhe ka marrë plagë të rënda në fytyrë, pasi ajo u kafshua 15 herë nga fëmijët e tjerë në një kënd lojërash në Leeds të Britanisë së Madhe.

Willow-Ivy Doherty, e cila është vetëm 17 muajshe është përgjakur nga dhjetëra plagë të krijuara, kryesisht në fytyrën e saj, pasi nëna e kishte lënë të luante me fëmijët e tjerë.

Nëna e vajzës pretendon se një djalë i vogël – rreth 3 vjeç – ishte në këmbë me një buzëqeshje të madhe në fytyrë dhe me gjak rreth gojës pas incidentit në këndin e lojërave “Bletët e Vogla”.

33-vjeçarja tha për The Mirror: “Ajo duket sikur është kafshuar nga një qen, jo nga një fëmijë”.

Willow-Ivy mori 4 kafshime në fytyrë, dy në gishtat e saj, tre në shpinë, disa në kokë, një në vesh, një në shpatull, një në dorë dhe një në këmbën e saj.

Vazja u dërgua në spital, duke marrë injeksione për hepatitin B dhe trajtim për plagët e rënda.

Nëna tha se prindi tjetër nuk u paraqit në incident derisa ajo filloi të bërtiste: “Ku është mamaja jote?”.

Ajo thotë se fëmija që i kafshoi vajzën ishte duke qëndruar me vëllain e tij më të madh dhe se një specialist tha: “Kishte shenja kafshimi nga dy fëmijë të ndryshëm”.

Ajo pohoi gjithashtu se prindi tjetër ju kthye duke thënë: “Kështu bëjnë fëmijët”.

Një zëdhënës i qendrës së lojërave konfirmoi se Willow-Ivy kishte marrë ndihmën e parë pas incidentit. Ata përsëritën rëndësinë që prindërit të mbikëqyrin fëmijët e tyre.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.