Hahn kërkon ndërprerjen e kërcënimeve ndaj deputetëve

Komisari për zgjerim dhe politikë fqinjësore Johanes Hahn në Kongresin e Partisë Popullore Evropiane është takuar me anëtarët e përjashtuar të VMRO-DPMNE-së, Nikolla Todorov, deputetja Emilija Aleksandrova dhe reformatori Petar Bogojevski, njofton Shenja.
Pas takimit Hahn nëpërmjet profilit të tij në twitter ka bërë thirrje që të ndërpriten kërcënimet ndaj deputetëve që e përkrahën Marrëveshjen e Prespës.
“I duartrokas për guximin e tyre të votojnë për Marrëveshjen e Prespës. Kërcënimet ndaj tyre duhet të ndërpriten. Të gjithë partitë duhet të punojnë për realizimin e agjendës së BE-së, të cilën e përkrah shumica e qytetarëve”, ka shkruar Hahn pas takimit, transmeton SHENJA.
Hahn dje kishte takim edhe me liderin e VMRO-DPMNE-së Hristian Mickoski.
Pas takimit Hahn ka thënë se e përshëndet përkushtimin e Mickoskit që të mos e pengojë Marrëveshjen e Prespës në Kuvend.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.