“E Majta” akuzon OBRM-PDUKM-në dhe LSDM-në për ndotjen e ajrit në Shkup

Sot nga partia “E Majta” nëpërmes një deklarate kanë reaguar ndaj ndotjes së ajrit në Maqedoni, kua ata akuzojnë dy partitë më të mëdha maqedonase OBRM-PDUKM-në dhe LSDM-në, përcjell Telegrafi Maqedoni.

“Zgjidhja e ndotjes së madhe të ajrit duhet të jetë prioritet i madh për çdo qeveri, pasi statistikat konfirmojnë se çdo në katër vdekjet në Shkup vjen si pasojë e drejtpërdrejtë nga ajri i ndotur. Korrupsioni dhe pamundësia e qeverisë dhe institucioneve nuk u kushton shtetit vetëm miliona shpenzimeve për trajtimin e problemeve shëndetësore, por edhe më keq, i kushton edhe në humbjen jetëve të njerëzve”, thonë nga “E Majta”.

Nga kjo parti gjithashtu thonë se ky problem nuk trashëgohet vetëm nga qeveria e mëparshme, siç pretendon qeveria aktuale, duke u përpjekur të shmangë detyrimet, por është rezultat i politikave ekonomike katastrofike të shtyrë në favor të fitimeve të elitave të fuqishme financiare.

“Rezultati përfundimtar i politikave të tilla ekonomike, të cilat në njerëzit dhe natyrën e shohin vetëm potencialin për akumulimin e pasurisë dhe për dekada me radhë kjo po zbatohet nga dy partitë kryesore politike, janë degraduara të drejtat e punëtorëve, dallimi i madh i klasave shoqërore dhe mjedisi i shkatërruar”, thuhet në deklaratë.

Dje në Maqedoni ndotje më të madhe të ajrit kishin qytetet e Tetovës, Kumanovës dhe Shkupit

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.