Bejta i kundërpërgjigjet Taravarit. Ja çka i thotë!

Pas konferencës për shtyp të kryetarit të Komunës së Gostivarit, Arben Taravarit ka reaguar ish kryetari Nevzat Bejta.
Në faqen e tij në facebook Bejta shkruan:
Gostivarit i ndodhi një rast tragjik, ku për fat të keq humbi jetën një vajzë e re 17 vjeçe.

Si subjekt politik ndamë dhimbjen për humbjen e një jete. Nuk fajësuam asnjë për këtë rast, edhe pse ka fajtor dhe duhet të ketë përgjegjësi.

Nuk u prononcuam për rastin, me të vetmen arsye që nga kjo tragjedi të mos poentohet politikisht.

As që paragjykuam se si ka ndodhur rasti, nga që nuk ishte momenti që t’i kuptojmë shkaqet, pasi dhimbja ishte shumë më e madhe se sa arsyeja.

Është çmenduri, hipokrizi e papërshkruar, akuzat që bënë Taravari për përfshirjen e BDI-së dhe mediumeve në këtë rast tragjik.

Ligji për mbrojtje dhe përkujdesje të kafsheve neni 25 është shumë decid, nuk kërkon përgjegjësi as nga subjektet politike, as nga mediumet, përgjegjës për këtë rast është komuna dhe Kryetari i komunës i cili, çmendurishtë, kërkon fajtorin dhe bën politik me rastin duke kritikuar BDI-në, policinë, mediumet, me të vetmin qëllim për të amnistuar veten dhe për të mbrojtur dështimin.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.