Mitsotakis: Amendamentet kushtetuese janë më të këqija se vet marrëveshja e Prespës

Kryetari i partisë më të madhe opozitare “Demokracia e Re”, Kyriakos Mitsotakis, në fjalimin e tij para grupit të tij parlamentar në mbledhjen e sotme, e filloi me çështjen e emrit dhe marrëveshjen e Prespës, duke drejtuar kritika deri te Qeveria aktuale në Greqi.

Mitsotakis tha se ndryshimet kushtetuese në Maqedoni janë më të këqija se vet marrëveshja, por përsëriti se partia e tij nuk do të votojë për ratifikimin e marrëveshjes mes dy vendeve, përcjell Telegrafi Maqedoni.

“Në çështjen e Shkupit, marrëveshja e Prespës vazhdimisht e zmadhon numrin e tashmë fakteve të mbaruara negative, siç duket nga procesi i ndryshimeve kushtetuese në vendin fqinj. Ato çështje që vendosen për ndryshime në Kushtetutën e re në Shkup janë më të këqija se vet marrëveshja e Prespës. Gjegjësisht ta them më thjeshtë: me vendimet e saja, Qeveria i lejoji Shkupit të përfitojë nga Greqia”, tha Mitsotakis para deputetëve të “Demokracisë së Re”.

Mitsoatkis theksoi edhe një herë se partia e tij nuk do të votojnë për marrëveshjen e Prespës dhe tha se Tsiprasi është i obliguar që ratifikimi në Kuvend të ndodh para zgjedhjeve.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.