Dobruna për dënimet me pushkatim në kohën e UÇK’së: Disa me qejf i kisha likuidu

Sokol Dobruna, idh-udhëheqës i Gjykatës së UÇK’së, ka folur për Gjykatën Speciale dhe për mundësinë që ai të jetë një nga të akuzuarit e kësaj gjykate për shkak të dënimit të njerëzve gjatë luftës.

Dobruna ka shpjeguar edhe raste kur ka marrë vendime për pushkatimin e personave që Gjykata e UÇK’së ka vendosur.

Dobruna në emisionin Frontal të Televizionit 7 ka thënë se nuk pajtohet me ekzistencën e një gjykate sipas ligjeve të Kosovës, por të veprojë jashtë saj.

“Unë mund të shkoj aty, por nuk e pranoj Gjykatën Speciale”, ka thënë ish-udhëheqësi i Gjykatës së UCK’së.

“Disa për qejf i kisha likuidu, por nuk kemi dashur ta dëmtojmë emrin e UÇK’së”, thotë ai, duke e rrëfyer punën e institucionit të krijuar nga Ushtria Çlirimtare.

“Ne ia kemi thirrë prindërit dhe iu kemi treguar se do t’i dënojmë. Ka pasur prind që ka thënë hallall jeta e djalit tim, nëse e ka bërë veprën, pushkatojeni” .

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.