ARMËT ILEGALE VRASIN 45000 PERSONA NË VIT NË AFRIKË

Trafiku i armëve ka vrarë 45000 persona çdo vit në Afrikë dhe ushqen konfliktet rajonale në perëndim të kontinentit, sipas një studimi të publikuar sot nga “Small Arms Survey”, për periudhën 2012-2017.

“Në gjithë Afrikën, regjistrohen 140000 vdekje dhe vrasje në vit të lidhura me konfliktet e armatosura, nga të cilat 45000, ose një e treta e vdekjeve të dhunshme, janë shkaktuar nga përdorimi i armëve të zjarrit”, thekson Matthias Nowak, hulumtues në “Small Arms Survey”, një qendër kërkimesh i lidhur me Institutin e Studimeve të Larta dhe të Zhvillimit në Gjenevë, shkruan ATSH.

“Armët e vjedhura nga arsenalet kombëtare që kanë nivele të ulëta sigurie ushqejnë shumë flukse të paligjshme armësh në Afrikën e Perëndimit. Trafikantët furnizohen me lehtësi falë prodhimit artizanal të armëve të zjarrit dhe rifutjes në qarkullim të armëve të lehta”, sipas këtij raporti.

Kriza libiane e shkaktuar nga rënia e Muamar Gedafi në 2011, luan një rol të madh në trafiqet dhe destabilizimin e rajonit të Sahelit që prej fillimit të kësaj dekade.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.